По повод Светскиот ден на здравјето во нашето училиштето беа реализирани повеќе активности со учениците од прво до петто одделение, насочени кон подигање на свеста за здравиот начин на живот.
Реализираните активности имаа значајно влијание врз развивањето на свеста кај учениците за важноста на здравиот начин на живот. Учениците преку различни форми на учење игра, драматизација, квиз, практична работа и спортски активности стекнаа основни знаења за правилна исхрана, лична хигиена и физичка активност. Особено значајно е што учениците активно учествуваа, покажаа интерес и мотивација, како и способност да ги поврзат стекнатите знаења со секојдневниот живот. Ваквиот пристап придонесе за развивање на позитивни навики уште од најрана возраст. Активностите ја поттикнаа соработката, креативноста и натпреварувачкиот дух кај учениците, а воедно придонесоа за создавање на пријатна и мотивирачка средина за учење.Со ваквите активности се поставуваат темели за здрави животни навики, кои се од големо значење за правилен раст и развој на учениците.
